Yuribmizda ko’ksimizda olov bilan
Yuribsizda bizni tashlab birov bilan
Oq tushmadi sochlarimni sovuq urdi
Boshimizga bevaqt tushgan qirov bilan
Izingizda qora otli shahzodalar
Bo’larmidi ishingiz biz yayov bilan
Bilmadingiz sezmadingiz ohimni bir
Qor yonmadi ming topilgan qalov bilan
Hozir qizlar dilga emas, pulga qarar,
Istasangiz o‘ynab aytay garov bilan.
Sillamni sil qilib qo‘ydi firoq dardi,
Yomon ekan birga kelsa tumov bilan.
Sevgi qadrin arzon qildi ishq furushlar,
Ming bozorga solib uni chayqov bilan.
Hasis dunyo o‘z omonat mehmonini,
Nuqul siylar sovib qolgan palov bilan.
Biz bo‘lgancha bo‘ldik, faqat kelinchagim,
Baxtli bo‘ling, xo‘pmi endi, kuyov bilan.
To‘yingizga taklifnoma yuborsangiz,
“g‘ayrat sho‘rlikka!” Deb yozing undov bilan...
Jaloliddin Ahmadaliyev - Ishq furushlar minus qoshiq matni text
